கரிசகாட்டு சிறுக்கி

ஒரு வரி கருத்து: அன்பு கொடுப்பவரையும் பெறுகிறவரையும் குணம்டையச் செய்கிறது.

வணக்கம் நண்பர்களே இந்த வாரம் புரியாத கிறுக்கல்களின் கவிதை கிறுக்கல்கள் வாரம் இதெல்லாம் நான் ஒரு 8 வருடங்களுக்கு முன்னர் எழுதியது இன்று எதார்த்தமாக டைரியை புரட்டிய போது சரி இதேயே பதிவாக இட்டு நம் நண்பர்களின் கருத்தை அறியலாமே என நினைத்து பதிந்தும் விட்டேன் இனி நீங்கள் தான் கருத்தை சொல்லவேண்டும் பிடித்திருந்தால் வாக்கு அளிக்கவும்.

கரிசகாட்டு சிறுக்கி

கரிசல் காட்டில்
என்னில் கவிதையாய் வந்தவள்

பால் சிந்தும் பவுர்ணமியில்
பகல் சூரியனாய் வந்தவள்

பூச்சூடும் தலையோரத்தில்
என்னை தொடுத்து வந்தவள்

என்னை உன் ஞாபக முடிச்சுகளில்
பின்னச்செய்த மந்திரமென்ன

பூக்களின் வாசத்தை
எனக்குள் புதைத்த ரகசியமென்ன

பெயர் தெரியாமல் உன் பின்னால்
பல காலம் சுற்றச்செய்த விசித்திரமென்ன

வெட்கம் பிடுங்கிய கணங்களில்-எனை
நொருக்கிய உணர்வுகளின் மாயமென்ன

என்னை சலனப்படுத்தி
சருகாக்கிய உன் சரித்திரமென்ன

என்ன நண்பர்களே உங்களுக்கு பிடித்தால் வாக்கும் இது பற்றிய தங்களின் மேலான கருத்தும் எழுதுங்களேன்.

குறிப்பு: சின்ன சின்ன பாரட்டுகளிலும் அங்கீகாரத்திலும் வாழ்க்கையின் சுவராஸ்யம் பல மடங்கு அதிகரிக்கும் அதற்கு நான் மட்டும் விதிவிலக்கா? பாரட்டுங்கள் நட்பை கொண்டாடுங்கள், குறைகளை சுட்டிகாட்டுங்கள் நிறைகளை பகிர்ந்து கொள்ளுங்கள்.


வாழ்க வளமுடன்



என்றும் அன்புடன்
ஞானசேகர்