கணினியின் வேகம் அதிகரிக்க டிப்ஸ்

ஒரு வரி கருத்து:விவேகம் என்பது பெற்றோரிடமிருந்தோ அல்லது வம்சாவழியாகவோ வருவதில்லை

நண்பர்களே நாம் இப்போது பார்க்கபோவது கணினியின் இயக்க வேகத்தை எப்படி அதிகரிப்பது என்பதை பற்றித்தான் சாதரணமாக கொஞ்சம் பணம் செலவழித்தால் கணினியின் வேகத்தை திறம்பட செயல்படும் வகையில் மாற்ற முடியும் ஆனால் எல்லோராலும் பணம் செலவழிக்க முடிவதில்லை அதற்காக தான் இந்த சிறிய டிப்ஸ் இது உங்கள் எல்லோருக்குமே தெரியும் ஆனாலும் இது பற்றி தெரியாத நண்பர்கள் இருக்ககூடுமே

டீபிராக்மெண்ட் இது கணினியை டீபிராக்மெண்ட் செய்வதற்கானது இது நமது கணினியில் இந்த வசதி இருக்கிறது ஆனால் நேரம் அதிகம் எடுத்துக்கொள்ளும் இந்த டீபிராக்மெண்ட் எதற்காக என நினைக்கும் நண்பர்களுக்காக சின்ன தகவல் நாம் கணினியில் பதியும் தகவல்கள் எல்லாம் ஒரே இடத்தில் பதிந்து வைக்கபடுவதில்லை ஒரு பைல் பல்வேறு இடங்களில் பிரித்து பதியப்படும் அதாவது நமது வண்தட்டு பல்வேறு கிளஸ்டர்களாக பிரிக்கப்பட்டிருக்கும் நாம் டீபிராக்மெண்ட் செய்கையில் பல இடங்களில் இருக்கும் பைல்களை எடுப்பதற்கு வசதியாக ஒருங்கினைக்கும் வேலையை தான் இந்த டீபிராக்மெண்ட் செய்கிறது.

சி சி கிளீனர் இது கணினியில் இருக்கும் தேவையில்லாத ரிஜிஸ்டரியை அழகாக கிளீன் செய்து விடும் உதாரணமாக நீங்கள் உங்கள் கணினியில் ஒரு புரோகிராமை இன்ஸ்டால் செய்து மீண்டும் அன் இன்ஸ்டால் செய்து விடுகிறீர்கள் ஆனால் நீங்கள் அன் இன்ஸ்டால் செய்த புரோகிராமை ரிஜிஸ்டரியில் தேடிப்பார்த்தால் இருக்கும் அதை நீக்குவதற்காகத்தான் இந்த மென்பொருள் உங்களுக்கு தெரியும் கணினியின் நடக்கும் ஒவ்வொரு நிகழ்வுகளும் இந்த ரிஜிஸ்டரி வழிதான் மேற்கொள்ள படுகிறது நாமாக மாற்றங்கள் செய்ய நினைத்து தவறு நேர்ந்தால் கணினியின் இயக்கமே நின்று விடும் ஆனால் சிசி கிளீனர் உபயோகிக்கையில் அந்த பிரச்சினை வராது மேலும் சில நேரங்களில் Recycle Bin ல் சில பைல்களை அழிக்க முடியாமல் இருக்கும் அதையும் இந்த சிசி கிளீனர் கொண்டு அழித்து விடலாம்.

அடுத்ததாக அதிகம் பேர் செய்யும் ஒரு தவறு இருக்கிறது நம்முடைய அவரத்தேவைக்காக பெரும்பாண்மையான பைல்களை நாம் கணினியின் டெஸ்க்டாப்பில் வைப்போம் இதனால் எப்படி கணினியின் இயக்கம் குறையும் என பார்த்தால் நமது விண்டோஸ் இயங்குதளம் சாதரணமாக டிரைவ் C- ல் பதியப்படுகிறது இதில் டெஸ்க்டாப் விண்டோஸின் இயங்கு தளத்தில் இருக்கிறது அதனால் இயங்குதள சம்பந்தமில்லாத பைல்கள் அதிகமாக டிரைவ் C -ல் வரும்போது அதன் வேகம் தானகவே குறையும் இதற்கு ஒரு மாற்று வழி கணினியை பார்மட் செய்யும்போது மூன்று டிரைவ்களாக பிரித்து வைக்கவும் இதில் C- ல் நமது இயங்குதளத்தை பதியவும் D-ல் நாம் இயக்க விரும்பும் பல்வேறான புரோக்கிராம்களை பதிந்து கொள்ளவும் E-ல் நமது புரோக்கிராம் அல்லாத நமது பைல்களை சேமித்து பயன்படுத்தவும் இதனால் இயங்கு தளத்தின் வேகம் குறையாமல் இருக்கும் டெஸ்க்டாப்பில் வைக்க விரும்பும் பைல்களுக்கு ஷார்ட்கட் கொடுத்து பயன்படுத்தவும் ஒருவேளை ஷார்ட்கட் ஐகான் பிடிக்கவில்லை என்றால் ஆரோவை நீக்கலாம் பார்க்கவும்.


அடுத்ததாக Start -> Run -> Type msconfig என அடித்து எண்டர் கொடுக்கவும் இப்போது புதிதாய் ஒரு விண்டோ திறக்கும் அதில் Startup டேப்பை திறந்து அதில் இருக்கும் எல்லாவற்றையும் Disable செய்து விடவும் வேண்டுமானால் Anti Virus மென்பொருள் மட்டும் Enable செய்துகொள்ளவும் இதனால் கணினியின் Boot நேரம் குறையும்.

இனி வாரம் ஒரு முறையாவது Start -> Run -> Type temp என அடித்து எண்டர் கொடுத்து அதில் இருக்கும் பைல்களை அழித்து விடவும், மீண்டும் Start -> Run -> Type %temp% என அடித்து எண்டர் கொடுத்து அதில் திறக்கும் விண்டோவில் இருக்கும் பைல்களை அழித்து விடவும் , அடுத்ததாக Start -> Run -> Type prefetch என அடித்து எண்டர் கொடுத்து அதில் திறக்கும் விண்டோவில் இருக்கும் பைல்களை அழித்து விடவும்.

இன்னும் ஒரு சிறிய தகவல் மட்டும் நம் தேவைக்காக இனையத்தில் கிடைக்கும் எத்தனையோ மென்பொருள்கள்களை தரவிரக்கி நம் கணினியில் பதிந்து வைத்திருப்போம் அப்படி பதிந்த புரோக்கிராம்கள் மீண்டும் அவசியமில்லை என்றால் மறக்காமல் அன் இன்ஸ்டால் செய்து விடவும் அப்படி உள்ள புரோகிராம்களை முழுவதுமாக நீக்க அன் இன்ஸ்டாலர் உபயோகிக்கவும்.

என்ன நண்பர்களே இது உங்களுக்கு பயனுள்ளதாக இருந்தால் மற்றவர்களும் பயனடையட்டும்

குறிப்பு:சின்ன சின்ன பாரட்டுகளிலும் அங்கீகாரத்திலும் வாழ்க்கையின் சுவராஸ்யம் பல மடங்கு அதிகரிக்கும் அதற்கு நான் மட்டும் விதிவிலக்கா? பாரட்டுங்கள் நட்பை கொண்டாடுங்கள், குறைகளை சுட்டிகாட்டுங்கள் நிறைகளை பகிர்ந்து கொள்ளுங்கள்.


வாழ்க வளமுடன்



என்றும் அன்புடன்
ஞானசேகர்