சிறிய புகைப்படங்களை தரம் குறையாமல் பெரிதாக்கலாம்

ஒரு வரி கருத்து:களத்தில் குதியுங்கள் கைகள் அழுக்காகட்டும் அப்பொழுது தான் அடுத்த முறை கைகள் அழுக்காகமல் குதிக்க முடியும்.

வணக்கம் நண்பர்களே இந்த பதிவு புகைப்படம் பற்றியது நாம் அன்றாடம் எத்தனையோ விதமான காரணங்களுக்காக புகைப்படங்களை பயன்படுத்துகிறோம் அதிலும் வலைப்பூக்களில் புகைப்படம் அதிகமாக பயன்படுத்துகிறோம், இதனால் படிக்கும் நபர்களுக்கு எளிதில் புரியும் வகையில் இருக்கும் சில நேரங்களில் வலைத்தளங்களில் ஏதாவது புகைப்படம் தேடுவோம் ஆனால் அந்த படமோ அளவில் சிறியதாக இருக்கும் அதை பெரிதாக்க நினைத்தால் நிச்சியம் படத்தின் உருவம் மாறிப்போகும்.

இதை பற்றி நம்முடைய கடந்த பதிவான இமேஜ் கன்வெர்ட்டர் (Image Convertor)
ல் நண்பர்கள் எஸ்.கே
மற்றும் மாணவன்
இருவரும் ஒரு சந்தேகத்துடன் தீர்வையும் கேட்டிருந்தார்கள் பின்வருமாறு.

எஸ்.கே
எளிமை! சிறப்பாக உள்ளது! படம் தரம் குறையாமல் பெரிதாக்க மென்பொருள் உள்ளதா நண்பரே?

மாணவன்
”படம் தரம் குறையாமல் பெரிதாக்க மென்பொருள் உள்ளதா நண்பரே?”
நானும் கேட்க வேண்டும் என்று நினைத்தேன் அதற்கான மென்பொருள் இருந்தால் பதிவிடவும் நண்பா...
உங்கள் பணி மென்மேலும் சிறக்க வாழ்த்துக்கள்
நன்றி



இந்த பதிவு அவர்களுக்காகவும் மேலும் பலரை சென்றடையும் வகையில் இதை ஒரு பதிவாக எழுதுகிறேன். உண்மையை சொல்கிறேன் இந்த பதிவு என்னுடைய இரண்டு இரவுகளை தொலைத்திருக்கிறேன். நான் எழுதும் அதிக பதிவுகள் இரவில் மட்டுமே எழுதியிருக்கிறேன், இந்த பதிவை எழுதும் முன்பாக நிறைய ஆன்லைன் தளங்கள் மற்றும் இன்னும் சில மென்பொருள்கள் என நிறைய சோதித்து பார்த்த இறுதியில் கொஞ்சம் எனக்கு திருப்தியளித்தவுடன் இந்த பதிவை எழுதுகிறேன் இனி நீங்கள் இந்த Photo Enlarger
மென்பொருளை தரவிறக்கி வைத்துக்கொள்ளுங்கள் இது உங்கள் கணினியில் இன்ஸ்டால் செய்யவேண்டியது இல்லை நேரடியாக இயக்கலாம், தரவிறக்கி முடித்த பின்னர் SmillaEnlarger இருமுறை கிளிக்கினால் இயங்க தயாராகிவிடும. இந்த மென்பொருள் இப்போது பீட்டாவாகவே இருக்கிறது.

அதற்கு முன்பாக இந்த சின்ன விஷயத்தையும் படித்துவிடுங்கள் நீங்கள் பெரிதாக்க விரும்பும் படம் குறைந்த பட்ச தரமாவது இருக்கவேண்டும் படம் தரமில்லாத போது நீங்கள் எதிர்பார்க்கும் அளவிற்கு படத்தை மாற்றினாலும் படம் சிதைந்து போயிருக்கும். மேலும் இந்த மென்பொருள் எந்தளவிற்கு உங்களுக்கு தீர்வாய் அமையப்போகிறது என்பதும் எனக்கு தெரியாது இருப்பினும் ஓரளவிற்கு நிச்சிய்ம் இந்த பதிவு தீர்வு அளிப்பதாய் இருக்கும்.

இந்த மென்பொருளில் நிறைய விஷயங்கள் இருக்கின்றன நான் அடிப்படையை மட்டுமே எழுதுகிறேன் இனி நீங்களாகவே கொஞ்சம் முயன்று மற்ற விஷயங்களையும் பயன்படுத்தி பாருங்கள். இனி கீழிருக்கும் படத்தை பாருங்கள் நீங்கள் செய்யவேண்டியவற்றை நான் அடையாளமிட்டு எண்கள் கொடுத்துள்ளேன் அதன் படியே செய்து விடுங்கள் எண் 1ல் கிளிக்கி நீங்கள் விரும்பும் படத்தை உள்ளிடவும், எண் 2ல் அளவை கூட்டலாம் அல்லது கீழிருக்கும் Custom என்பதன் வழியாகவும் வேண்டிய அளவு கொடுக்கலாம், எண் 3ல் அளவை மாற்றவும் சேமிக்கவும் கொடுக்கும் கட்டளை, எண் 4ல் கிளிக்கி நீங்கள் கொடுத்த கட்டளை முடிவடைந்துவிட்டதா என பார்த்துக்கொள்ளலாம், எல்லாம் முடிந்தால் படத்தின் அளவு பெரியதாக இருக்கும் நீங்கள் கொடுத்த படத்தின் தரத்தை பொறுத்து அவுட்புட் இருக்கும்.



இல்லை எனக்கு படத்தை மொத்தமாக மாற்ற தேவையில்லை ஒரு குறிப்பிட்ட பாகத்தை மட்டும் பெரிதுபடுத்தி பார்க்க ஆசை அல்லது சேமிக்க ஆசை அதற்கும் வழி இருக்கிறது சந்தேகத்திற்கு படத்தை பாருங்கள் நான் உங்களுக்காக மாற்றிய ஒரு பெரிய படத்தை இனைக்க நினைத்தேன் ஆனால் படத்தின் அளவு 7 எம்பி இருந்ததால் இனைத்தாலும் தளம் திறப்பதில் பிரச்சினை ஆகும் எனவே விட்டு விட்டேன். தரவிறக்கி பயன்படுத்தி பாருங்கள் வித்யாசம் உணர்வீர்கள்.



போட்டோஷாப் உபயோகிப்பவர்கள் எந்தவெரு புகைப்படத்தையும் போட்டோஷாப் வழியாகவே 10% அளவு அதிகரித்தாலும் பெரிய சிதைவு இருக்காது முயற்சித்து பாருங்கள் மறக்காமல் ரெசல்யூசன் 300 வைத்துக்கொள்ளுங்கள்.

போதுமான நேரமின்மையால் முழுமையாக எழுதமுடியவில்லை இருப்பினும் இதில் விரிவாக எழுதும் அளவிற்கு ஒன்றுமில்லை மிக எளிமையான மென்பொருள்.என்ன நண்பர்களே இது உங்களுக்கு புரிந்ததா இதில் ஏதாவது சந்தேகம் இருப்பின் கேட்கலாம் எனக்கு தெரிந்தவரை சொல்லித்தர முயற்சி செய்கிறேன் பதிவு பிடித்திருந்தால், உபயோகமானதாக இருந்தால் அவசியம் பதிவை பற்றிய கருத்துரையும் வாக்கும் பதிந்து செல்லவும்.

குறிப்பு: சின்ன சின்ன பாரட்டுகளிலும் அங்கீகாரத்திலும் வாழ்க்கையின் சுவராஸ்யம் பல மடங்கு அதிகரிக்கும் அதற்கு நான் மட்டும் விதிவிலக்கா? பாரட்டுங்கள் நட்பை கொண்டாடுங்கள், குறைகளை சுட்டிகாட்டுங்கள் நிறைகளை பகிர்ந்து கொள்ளுங்கள்.


வாழ்க வளமுடன்



என்றும் அன்புடன்
ஞானசேகர்