விண்டோஸ் XP SP2 – விண்டோஸ் XP SP3 ஹேக்கிங்

ஒரு வரி கருத்து: நல்லவற்றை குப்பையென ஒதுக்கினால் நஷ்டம் நமக்குதான்.

வணக்கம் நண்பர்களே இந்த பதிவின் வழியாக ஒரு சின்ன ஹேக்கிங் பற்றி பார்க்கலாம் இப்பொழுது அதிக நண்பர்கள் விண்டோஸ் 7 இயங்குதளம் பயன்படுத்துகிறார்கள் சிலர் அதை பயன்படுத்துவதில்லை அதற்கு கணினியின் தன்மையும் ஒரு காரணமாக இருக்கலாம் அல்லது அதனை விரும்பாமலும் இருக்காலாம் ஆனால் நாம் பார்க்க போவது விண்டோஸ் XP SP2 பற்றி மட்டுமே இந்த தகவல் பொருந்தும்.

நாம் ஏற்கனவே ஒரு பதிவில் விர்ச்சுவல் டிரைவ் என்பதாக ஒரு பதிவு எழுதியிருந்தேன் அதில் இல்லாத ஒரு டிரைவ் இருப்பதாக கணினியை செயல்பட வைத்தோம் இதுவும் அதுபோலத்தான். சரி நண்பர்களே இந்த பதிவு எழுத நேர்ந்ததன் காரணம் நண்பர் ஒருவரின் கணினியில் விளையாட்டு மென்பொருள் இன்ஸ்டால் செய்ய முயற்சித்திருக்கிறார் ஆனால் அது இன்ஸ்டால் ஆவதற்கு பதிலாக உங்கள் கணினி விண்டோஸ் XP SP2 அதற்கு பதிலாக நீங்கள் இன்ஸ்டால் விண்டோஸ் XP SP3 செய்தால் மட்டுமே நான் இன்ஸ்டால் ஆவேன் என அடம் பிடித்திருக்கிறது அதற்கு தீர்வாகத்தான் இந்த பதிவு.

நீங்களும் ஒருவேளை விண்டோஸ் XP SP2 உபயோகிக்கிறீர்கள் என வைத்துக்கொள்ளுங்கள், நீங்களும் ஒரு விளையாட்டை இன்ஸ்டால் செய்ய முயற்சிக்கிறீர்கள் அப்போது மேலே சொன்னபடி அறிவிப்பு வந்தால் என்ன செய்வீர்கள் உங்களிடமோ விண்டோஸ் XP SP3 இல்லை ஆனால் எப்படியும் இன்ஸ்டால் செய்ய விரும்புவீர்கள் தானே நாம் இப்போது தான் நாம் ஏற்கனவே பார்த்த விர்ச்சுவல் டிரைவ் போல இதையும் ஏமாற்றுவது எப்படி என பார்க்கலாம்.

இப்போது நீங்கள் உங்கள் My Computer-ல் வலது கிளிக் செய்து அதன் பிராப்பர்ட்டிஸ் திறந்து பாருங்கள் Service Pack 2 என்பதாக இருக்கும் இனி இதைத்தான் நாம் Service Pack 3 என்பதாக மாற்றபோகிறோம்.



நீங்கள் செய்யவேண்டியது Start ->Run-> type regedit என டைப் செய்து ஒரு எண்டர் கொடுக்கவும் இப்போது உங்களை ரிஜிஸ்டரி பக்கத்திற்கு கொண்டு செல்லும். ஒரு முன்னெச்சரிக்கை நடவடிக்கையாக அதை Backup எடுத்துக்கொள்ளவும்.



அடுத்ததாக நீங்கள் செய்ய வேண்டியது HKEY_LOCAL_MACHINE\SYSTEM\ CurrentControlSet\Control\Windows கண்டுபிடித்து வலது பக்கம் இருக்கும் பான் விண்டோவில் CSDVersion என்பதை இருமுறை கிளிக்கினால் இப்போது ஒரு குட்டி பாப் அப் விண்டோ திறக்கும் அதில் ஏற்கனவே அதன் வேல்யூ 200 என்பதாக இருக்கும் நீங்கள் அதை 300 என்பதாக மாற்றி விடுங்கள் அவ்வளவுதான் சந்தேகத்திற்கு படத்தை பாருங்கள் புரியும்.





மேலே நான் சொன்னவற்றை எல்லாம் சரியாய் செய்திருந்தால் ஒரு சபாஷ் சொல்லிக்கொள்ளுங்கள். இனி உங்கள் My Computer வலது கிளிக் செய்து அதன் பிராப்பர்ட்டிஸ் பாருங்கள் Service Pack 3 மாறியிருக்கும் இனி விண்டோஸ் XP SP3 ல் மட்டுமே இன்ஸ்டால் ஆகும் மென்பொருள்கள் உங்கள் விண்டோஸ் XP SP2 விலும் இன்ஸ்டால் ஆகும்.

நண்பர்களே இது உங்களுக்கு புரிந்ததா இதில் ஏதாவது சந்தேகம் இருப்பின் கேட்கலாம் எனக்கு தெரிந்தவரை சொல்லித்தர முயற்சி செய்கிறேன் பதிவு பிடித்திருந்தால், உபயோகமானதாக இருந்தால் அவசியம் பதிவை பற்றிய கருத்துரையும் வாக்கும் பதிந்து செல்லவும்.

குறிப்பு: சின்ன சின்ன பாரட்டுகளிலும் அங்கீகாரத்திலும் வாழ்க்கையின் சுவராஸ்யம் பல மடங்கு அதிகரிக்கும் அதற்கு நான் மட்டும் விதிவிலக்கா? பாரட்டுங்கள் நட்பை கொண்டாடுங்கள், குறைகளை சுட்டிகாட்டுங்கள் நிறைகளை பகிர்ந்து கொள்ளுங்கள்.


வாழ்க வளமுடன்



என்றும் அன்புடன்
ஞானசேகர்